ការត្រួតពិនិត្យទូរស័ព្ទដៃ : Microsoft Lumia 535

កាល​ពី​ថ្ងៃ​អង្គារនេះ​ក្រុមហ៊ុន Microsoft បាន​ប្រកាស​ជាផ្លូវការស្តីអំពីទូរស័ព្ទស្មា​ត​ហ្វូ​ន​ Lumia – Microsoft Lumia 535 ដែលជា​ស្មា​ត​ហ្វូ​ន Lumi​a លើក​ដំបូងមួយ​របស់ខ្លួនដែល​គ្មាន​ឈ្មោះ​ Nokia ។ ទូរស័ព្ទនេះមានតំលៃ​សមរម្យ​ តំនើរការនៅ​លើ​​ប្រព័ន្ធ​ប្រតិបត្តិការចុង​ក្រោយរបស់ Windows (OS) ហើយ​បំពាក់​មកជាមួយនូវ​មុខងារ​ស៊ី​ម​ពីរ​ ទទួល​បាន​នូវបទ​ពិសោធន៍របស់​ប្រព័ន្ធ​ប្រតិបត្តិការ Windows យ៉ាងពេញ​លេញ​នៅក្នុង​តម្លៃ​សមរម្យ ​!

Lumia-535-windows-jpg

ប្រភពរូបថត: Microsoft

ជា​មួយ​នឹង​កំណែ​ចុងក្រោយ​បំផុត​របស់ប្រព័ន្ធ​ប្រតិបត្តិការ​ Windows នៅ​លើ​ទូរស័ព្ទ Lumia 535 នេះ អ្នកប្រើប្រាស់​អាច​ទទួល​បាន​ការបន្ទាន់​សម័យតាមប្រព័ន្ធអ៊ីនធឺណេតនិង​តែងតែ​មាន​កម្មវិធី​ចុង​ក្រោយ​បំផុត​នៅ​លើ​ស្មា​ត​ហ្វូ​ន​របស់​ខ្លួន​។ កម្មវិធី​ដូចជា​ Skype​, Cortana, Office និង OneDrive ត្រូវ​បាន​រួម​បញ្ចូល​ជា​ផ្នែក​មួយ​នៃ​បទ​ពិសោធ​ដ៏​ធំ​បំផុត​របស់ Windows​។ OneDrive អនុញ្ញាត​ឱ្យ​អ្នក​ប្រើ​ប្រាស់ដើម្បី​កែ​សម្រួល​ឯកសារ​របស់​ពួក​គេ​និង​ផ្តល់​ឱ្យ​ពួក​គេ​នូវទំហំផ្ទុកទិន្នន័យរហូត​ដល់​ទៅ 15GB ដោយ​ឥត​គិត​ថ្លៃ​ផង​ដែរ​។

ទូរស័ព្ទនេះមានទំហំធំ​ទូលាយ​ កាមេរ៉ា​មុខ​ទំហំ 5 megapixel ដែលអនុញ្ញាត​ឱ្យ​អ្នក​ប្រើ​ប្រាស់អាច​ថតរូប​មនុស្ស​បានច្រើន​នៅ​ក្នុងក្រុម​ selfies របស់​ពួក​គេ​។  នោះមិនទាន់គ្រប់គ្រាន់ទេ ​ទូរស័ព្ទ Lumia នឹង​ដំឡើង​មកជាមួយ​នូវ​កម្មវិធីថតរូប selfie ​ដែលអាចធ្វើការ​ចែក​រំលែក​និង​​កែសម្រួល​​រូបថត​បានកាន់​តែ​ងាយ​ស្រួល​។

Lumia-535-skype

ប្រភពរូបថត: Microsoft

មុខងារ​ស៊ី​ម​ពីរ​អនុញ្ញាត​ឱ្យ​អ្នក​មាន​ទាំង​លេខការងារ​និង​លេខ​ផ្ទាល់ខ្លួន​របស់​អ្នក​​នៅ​ក្នុង​ទូរស័ព្ទ Lumia 535 ​របស់​អ្នក។ ទូរស័ព្ទនេះពោរពេញទៅដោយ​លក្ខណៈ​ពិសេសជាច្រើន​ ​ជាមួយនិងការរចនាដ៏ស្រស់ស្អាតហើយ​តំនើរការ​នៅ​លើឧបករណ៍ដំណើរការ quad​-core ដែលផ្ដល់​ឱ្យ​អ្នកប្រើប្រាស់​នូវ​បទ​ពិសោធ​ន៍ដ៏​អស្ចារ្យ​។

បើយោង​ទៅតាម​កាសែត The Cambodia Times ទូរស័ព្ទ Lumia 535 នេះ គឺមានតម្លៃ​ប្រហែល $137 មុន​ពេល​ចែកចាយ​និងបង់ពន្ធ ។

សូមពិនិត្យ​មើលលក្ខណៈ​ពិសេស​ពេញ​លេញ​​របស់ទូរស័ព្ទនេះដូច​ខាងក្រោម​:

Lumia 535 specs