ព្រឹត្តិការណ៍ FOSSASIA 2014

 

តើ​ Fossasia ជា​អ្វី ?

Fossasia គឺ​ជា​សហគមន៍​កម្មវិធី​ឥត​គិត​ថ្លៃ​នៅ​ក្នុង​តំបន់​អាស៊ី​ដែលការជួបជុំជា​លើក​ដំបូង​បាន​ធ្វើឡើង​នៅ​ក្នុង​ឆ្នាំ 2009 នៅ​ទីក្រុង​ហូជីមិញ​។ ចាប់​តាំង​ពី​ពេល​នោះ​មក​សហគមន៍​នេះបាន​រៀបចំ​សន្និសីទ​នៅ​ក្នុង​ប្រទេស​វៀតណាម​ដោយផ្តោ​ត​លើ​កម្មវិធី​កូដ​បើក​ចំហ​និងដោយ​ឥត គិតថ្លៃ​។ ដូច្នេះ​មក​ដល់​ពេល​នេះ​ព្រឹត្តិការណ៍​ Fossasia កាលពីលើកមុនបាន​ទាក់ទាញ​អ្នក​ចូល​រួម​ជាង 1400 នាក់និង​វាគ្មិន​មក​ពី 24 ប្រទេស​។

ចុះចំនែកឯ Fossasia 2014​ វិញ ​?

សម្រាប់​​ឆ្នាំ 2014 ព្រឹត្តិការណ៍នេះនឹង​ប្រព្រឹត្ត​ទៅ​នៅ​ក្នុង​ប្រទេស​កម្ពុជា​ជា​លើក​ដំបូង​នៅ សាកលវិទ្យាល័យន័​រ​តុ​នចាប់ពី​ថ្ងៃទី 28 កុម្ភៈ​ដល់​ថ្ងៃទី 2 ​ខែ​មីនា ។ ព្រឹត្តិការណ៍​នេះ​នឹង​មាន​ ជាស​ន្និ​សិ​ទ​និង​ការ​បង្រៀន​ទាក់ទង​ទៅ​នឹង​កម្មវិធី​កូដ​បើក​ចំហ ដំណោះស្រាយ​ទូរស័ព្ទ​ដៃ​ បច្ចេកវិទ្យាលើ​បណ្ដាញអ៊ីនធឺណេត​ ប្រព័ន្ធ​ប្រតិបត្តិការ​លីនុច​ ​ការអប់រំ​បើកទូលាយ និង​ ​ដំណោះស្រាយ​ផែនទី​បើកទូលាយ។

​អ្វីដែលពិសេស​គឺផ្តោ​តលើ​ ​«ការ​ប្រើ​ប្រាស់​ប​ច្ចេ​ក​វិទ្យា​​បើក​ទូលាយក្នុង​ការ​អភិវឌ្ឍ​ប្រកប​ដោយ​និរន្តរភាព​ដើម្បីធ្វើ​ឱ្យ​ប្រសើរ​ឡើង​នូវ​លក្ខខណ្ឌនៃជីវិត​រស់នៅ​របស់អ្នក​ដែល​មានជីវភាព​ក្រីក្រ»​

ព្រឹត្តិការណ៍ប​ច្ចេ​ក​វិទ្យា​បើក​ទូលាយ​នេះ​ត្រូវ​បាន​លៃតម្រូវសម្រាប់​អ្នក​អភិវឌ្ឍន៍កម្មវិធី ​និស្សិត ​និង​ អ្នកចាប់ផ្តើ​មអាជីវកម្ម​ ជាពិសេស​សំរាប់អ្នក​ដែល​ធ្លាប់ប្រើ​ប្រាស់​រួច​ហើយ​ ​ឬក៏ ​អ្នកដែល​មានបំណងចង់​ប្រើ​ប្រាស់​ប្រភព​កម្មវិធីបើក​ចំហ​។ ព្រឹត្តិការណ៍​នេះ​គឺ​ជា​« ជា​ឱកាស​តែ​មួយ​គត់​ដើម្បី​ចែក​រំលែក​ការ​បង្កើត​ថ្មី​ចុង​ក្រោយ​បំផុត​នៅ​ក្នុង​ប​ច្ចេ​ក​វិទ្យា​ប្រភព​បើក​ចំហ​និង​ជួប​ជាមួយ​អ្នក​រួម​ចំនែក​និង​ដៃគូដែល​មាន​សក្តា​នុ​ពល »​។

ប្រសិន​បើ​អ្នក​ចង់ស្វែងយល់បន្ថែមទៀត ​អ្នក​អាច​មើល​ព្រឹត្តិការណ៍ Fossasia កាលពីលើកមុន​នៅ​ទីនេះ :

Mini-Debconf Vietnam

LGM

GNOME.Asia

Hackerspace កិច្ចប្រជុំ​ក្នុង​ប្រទេស​សិង្ហបុរី

LUG កិច្ចប្រជុំក្នុង​ប្រទេស​វៀតណាម

TYPO3 ព្រឹត្តិការណ៍​នៅ​រាជធានី​ភ្នំពេញ

OpenDesign.Asia Weeks

FOSSASIA conference

ដូចដែលព្រឹត្តិការណ៍ Fossasia « ធ្វើ​ការ​រួម​គ្នា​ជាមួយ​នឹង​គម្រោង​កូដ​បើក​ចំហ​នៅ​ក្នុង​តំបន់​អាស៊ី​និង​នៅ​ជុំវិញ​ពិភពលោក​នឹង​អភិវឌ្ឍន៍កម្មវិធី​ប្រភព​កូដ​បើកចំហ​ដោយឥតគិតថ្លៃ​សម្រាប់​ការ​ផ្លាស់​ប្តូ​រ​សង្គម » ​ព្រឹត្តិការណ៍​នេះ​នឹងកាន់តែ​គួរ​ឱ្យ​រំភើបចិត្ត​សម្រាប់ទិដ្ឋភាព​បច្ចេកវិទ្យា​និងការ​ចាប់​ផ្តើ​មអាជីវកម្មនៅក្នុង​ប្រទេស​កម្ពុជា​ ​ហើយ​យើង​សង្ឃឹម​ថា​នឹង​មើល​ឃើញ​​អ្នកអាន​របស់​​យើងចូលរួមជា​ច្រើន !

ដើម្បី​​ចុះ​ឈ្មោះ​ សូមចូលទៅកាន់តំណភ្ជាប់​នៅទីនេះ