DI: ឧបករណ៍ ArrowPlug ជាផលិតផលមួយដែលបានធ្វើឡើងនៅក្នុងប្រទេសកម្ពុជា

សូមធ្វើការស្រមើ​ស្រមៃ​ទៅលើរឿង​នេះ​បន្តិច: អ្នក​កំពុងតែមានផាសុកភាពនៅពេលដែលអ្នក ចូលតំណេក ចុះចំនែកឯការបិទភ្លើងវិញ​នៅ​ពេល​ដែល​អ្នក​សង្កេត​ឃើញ​ថា​ពន្លឺដែលនៅឆ្ងាយ ពី​តុ​របស់​អ្នក​នៅ​តែ​បើកនោះ​។ ជា​មួយ​នឹង​ហេតុ​ផលដ៏​សាមញ្ញ​បំផុត​សំរាប់ការដែលមិន​បិទ​ឧបករណ៍​អគ្គិសនី​ដែលលើសពីតំរូវការនោះដោយសារ​ការរៀបចំ​ទីតាំង​របស់​ខ្លួន (ឧ​ទាហរណ៍ ការដើរឆ្ងាយចេញ​ពី​គ្រែ​)។ ឧបករណ៍ ArrowPlug នៅ​ទីនេះ​ដើម្បី​ធ្វើអោយ​ប្រាកដ​ថា ​អំណាច​ក្នុង​ការ​បិទភ្លើង​គឺ​តែង​តែ​ស្ថិតនៅ​ក្នុង​ដៃ​របស់​អ្នក​ជានិច្ច។ លោក ថុ​ល រិ​ទ្ធី ​ ជា​សហ​ស្ថាបនិក​របស់ SmallWorld កម្ពុជា​ នឹង​ត្រូវ​រៀបចំសិក្ខាសាលាមួយនៅក្នុងខែនេះអំពី អាជីវកម្មថ្មី ដែលត្រូវ​បាន​បន្ត​” សម្រាប់​ផលិតផល​នេះ​នៅ​ឯ​​មន្ទីរអភិវឌ្ឍន៍ការច្នៃប្រឌិត នៅថ្ងៃ​ពុធ​នាពេលខាង​មុខ​នេះ​។

បើនិយាយជារួមទៅ ArrowPlug នេះគឺ​ជាឧបករណ៍គ្រប់គ្រង​ព្រី​ភ្លើង​​ចល័តមួយដែល​ប្រើ​ប្រាស់​ប​ច្ចេ​ក​វិទ្យា​ឥត​ខ្សែ​តាម​រយៈ​ប៊្លូ​ធូ​ស​ដើម្បី​អនុញ្ញាត​អោយអ្នក​ប្រើ​ប្រាស់​អាចគ្រប់គ្រង​ឧបករណ៍​អេ​ឡិច​ត្រូ​និច​ដែល​ត្រូវ​បាន​ដោត​ចូល​ទៅ​ក្នុង​រន្ធ​របស់ ArrowPlug។ ឥឡូវ​នេះ​ថាមពល​អាចត្រូវ​បានគេគ្រប់គ្រង​បាន​យ៉ាង​ងាយ​ស្រួល​តាម​រយៈ​ស្មា​ត​ហ្វូ​នដែល​ដំណើរការ​ដោយ​ប្រព័ន្ធ Android នៅក្នុងរយៈចម្ងាយ​រហូត​ដល់ 30 ម៉ែត្រ​។ ក្រៅពីបន្ទាត់​ផលិត​ផល​ចេញពី​កន្លែង អាជីវកម្មអេ​ឡិច​ត្រូ​និច ArrowDot និងគ្រោងចេញនូវឧបករណ៍បញ្ជា​ពី​ចម្ងាយ​នៅលើកម្មវិធី ដែល​ដំណើរការ​ដោយប្រព័ន្ធប្រតិបត្តិការ iOS ​នៅ​ក្នុង​កំណែ​បន្ទាប់​នៃ ArrowPlug ។

​ផលិតផល​នេះជាផលិតផលដំបូង​មួយ​នៅ​ក្នុង​ប្រទេស​ ហើយផលិតផល​នេះ​ត្រូវ​បាន​បង្កើត​ឡើង​ទៅតាមទម្លាប់នៃ​របៀបរបប​រស់​នៅ​តាមបែប​ទំនើប​។ វា​បាន​នាំអោយ​ក្រុមនេះ​ចំនាយ ពេលពេញមួយ​ខែ​ដើម្បី​បង្កើតបានជាគំរូ​បឋមមួយ​ ​ហើយ​ឥឡូវ​នេះ​វាមាន​ចំនួន 100 គ្រឿង​ដែលយើង​អាច​រកទិញ​បាន​ ជា​មួយ​នឹងការ​លក់​បាន​ចំនួន 30 គ្រឿង​រួច​ទៅ​ហើយនៅក្នុង​ខែ​កក្កដា​ឆ្នាំ 2014។ តំលៃលក់​រាយ​សម្រាប់ឧបករណ៍ ArrowPlug គឺមានតំលៃ 15 ដុល្លារ​ក្នុងមួយ​គ្រឿង​ហើយ​អ្នក​អាច​រក​ឃើញ​ព័ត៌មាន​បន្ថែម​នៅលើទំព័រ​ហ្វេ​ស​ប៊ុ​ករបស់​ពួក​គេ !

ដោយមានជំនឿ​យ៉ាងមុតមាំក្នុងការ​ធ្វើអ្វី​មួយ​ដ៏​អស្ចារ្យ​អោយ​កើត​មាន​ឡើង​នៅ​ក្នុង​តំបន់​នេះ​ លោក ​ថុ​ល រិ​ទ្ធី ​គឺជា​ឈ្មោះដែលត្រូវបានគេ​ស្គាល់​នៅក្នុង​ទិដ្ឋភាពអាជីវកម្មបច្ចេកវិទ្យា​របស់​ប្រទេស​។ ​លោក​ក៏​បាន​បង្កើតនូវ Toursanak Adventure និង Codingate ​ផងដែរក្នុង​ឆ្នាំ 2010 និង 2013 និង​ជា​អ្នកគាំទ្រ​ដ៏​សំខាន់​សំរាប់ការ​បង្កើត​អាជីវកម្មថ្មី​ជា​ច្រើន​នៅ SmallWorld ។ ហើយលោក​ក៏​ជា​ស្ថាបនិក​ក្នុងការ​បង្កើត KhmerTalks សម្រាប់​ប្រទេស​កម្ពុជា ​ដែលជាកម្មវិធី​មួយដែលឆ្លុះ​បញ្ចាំង​ពី​កម្មវិធី TEDx ជា​វេទិកា​មួយ​សម្រាប់​ការ​និយាយ​ជា​សាធារណៈ ការ​ផ្លាស់​ប្តូ​រ​ព័​ត៌​មាន​និង​ចំណេះ​ដឹង​ដោយធ្វើបទបង្ហាញ​ជា​ភាសា​ខ្មែរ​។

សិក្ខាសាលាស្តីអំពីឧបករណ៍ ArrowPlug – ធ្វើ​ឡើង​នៅ​​រាជធានី​ភ្នំពេញ​ ជាមួយ​នឹងលោក ថុ​ល ​រិ​ទ្ធី​ ​គឺអាចចូលរួមបានដោយសេរីដែលនឹង​ប្រព្រឹត្ត​ទៅចាប់​ពីម៉ោង 5.30ល្ងាច រហូតដល់​ដល់ម៉ោង 7 យប់ នៅថ្ងៃទី 20 ខែ​សីហា ​ឆ្នាំ 2014 នៅ​មន្ទីរអភិវឌ្ឍន៍ការច្នៃប្រឌិត​។ អ្នក​អាចចុះ ឈ្មោះ​របស់​​អ្នក នៅ​ទី​នេះ !

​មន្ទីរអភិវឌ្ឍន៍ការច្នៃប្រឌិត​មាន​ទីតាំង​ស្ថិត​នៅអគារលេខ # 296​ ផ្លូវ 271​ សង្កាត់​ទួល​ទំពូង 2 ខណ្ឌ​ចំការ​មន​ រាជធានី​ភ្នំពេញ​។ សូម​ចុច​នៅទីនេះ​ដើម្បី​មើល​ផែនទី​។